影片
更多
2008-10-09
30 浏览
好多年前去過旺角寧記, 覺得d 野都尚算ok, 6/10/2008 就plan 去尖咀新o個間啦我地7:30pm 到, 跟住去到 冇幾耐就已經聽到好嚇人o既 “pang” 一聲! 原來係隔離枱個電磁爐爆炸!!!! 完全呆左…. O係度驚緊我地哩個會唔會爆…..D 野食上o既速度都尚算ok 快, 不過d 野認真麻麻喇, 肥牛d 冰都仲未溶, 個羊肉同埋d 駝鳥肉都極度羶味, d 駝鳥肉仲要好似食牛皮咁硬; 平時好穩陣o既魚皮餃, 一食落去好似食左舊粉咁, 魚腐又唔似魚腐, 似油炸鬼-___- 完全唔知自己食緊乜….. 全晚最好食o既竟然係個支竹同埋生菜……雖然話任食兩個鐘, 但係我地由7 點半sharp 開始食, 食到9:05 , 已經有人黎催我地畀錢找數, 驚死我地冇錢畀咁, 好啦, 畀佢啦, 跟住佢9:30 分即刻要我地交枱, 我地當然就勁不滿啦, 唔係話唔交畀你, 但我地食剩幾條菜o者, 唔係食埋佢都唔得下話. 同o個個類似經理o既阿嬸理論, 結果佢畀多10 分鐘我地, 好似去乞佢o個10 分鐘咁. 我之後去左toilet, 聽到有兩個女仔o既經歷仲慘. 佢地7:30 分到, 9:
我地7:30pm 到, 跟住去到 冇幾耐就已經聽到好嚇人o既 “pang” 一聲! 原來係隔離枱個電磁爐爆炸!!!! 完全呆左…. O係度驚緊我地哩個會唔會爆…..
D 野食上o既速度都尚算ok 快, 不過d 野認真麻麻喇, 肥牛d 冰都仲未溶, 個羊肉同埋d 駝鳥肉都極度羶味, d 駝鳥肉仲要好似食牛皮咁硬; 平時好穩陣o既魚皮餃, 一食落去好似食左舊粉咁, 魚腐又唔似魚腐, 似油炸鬼-___- 完全唔知自己食緊乜….. 全晚最好食o既竟然係個支竹同埋生菜……
雖然話任食兩個鐘, 但係我地由7 點半sharp 開始食, 食到9:05 , 已經有人黎催我地畀錢找數, 驚死我地冇錢畀咁, 好啦, 畀佢啦, 跟住佢9:30 分即刻要我地交枱, 我地當然就勁不滿啦, 唔係話唔交畀你, 但我地食剩幾條菜o者, 唔係食埋佢都唔得下話. 同o個個類似經理o既阿嬸理論, 結果佢畀多10 分鐘我地, 好似去乞佢o個10 分鐘咁.
我之後去左toilet, 聽到有兩個女仔o既經歷仲慘. 佢地7:30 分到, 9:20 分已經畀人叫佢地走, 佢地唔肯, 話食多10 分鐘, 跟住o個度d 侍應竟然開口話佢地離譜!!!! 嘩! 今日今日仲有哩d 咁o既服務態度o既?! 原來我o個枱已經唔算最差………
去完toilet 返出黎後, 個阿嬸又黎催我地交枱, 我個fd 當時用緊佢地d 濕紙巾抹面, 個阿姐竟然話 “你o係度抹乜野呀?! 你咁多野抹, 畀多幾張你抹喇! ” 嘩! 真係極度冇禮貌, 佢咁講野, 真係趕客架o者, 結果我地一怒之下即走, 仲將佢地懶好客o既coupon 畀埋隔離枱
出到去, 睇下佢地門口, 得o個10 個人唔夠o係度等之嘛! 佢咁做生意法, 我可以保證我以後都會black list 左哩間野, 唔駛錢都唔黎食囉!
张贴