樂天皇朝 (利舞臺廣場) (已搬遷) 新店位置

四年前左右朋友請食飯食過，一般。今日再食已經係勁難食。嗌左兩樣野：皇朝小籠包同豬肉蝦抄手撈拉麵。小籠包皮厚且唔夠熱，蟹粉味同鵝肝好似唔新鮮咁既味，莫講話同 頂太峰 比較，同新蒲崗啲家庭式up dup小店既小籠包都比唔上。個撈麵醬油同紅油比例唔太好，油到反艇。難食到呢⋯⋯要打夠200字先可以評為難食，咁我唯有講下環境。疫情期間有用間隔隔開每檯、每張二人檯都附有一個裝袋既位置，呢點夠貼心。環境寛敞、光線舒適，但可惜野食難食。