影片
更多
2022-09-19
987 浏览
今晚和朋友共8人訂咗森城海鮮酒家吃晚餐(在電視上見到神之馬壯介紹，諗住唔衰得去邊)，去到諗住在酒家揀海鮮，誰知成間酒家嘅海鮮缸得嗰5，6款海鮮，仲要開天殺價，普通海蝦開400元斤，大連鮑魚要100元隻，最慘D蝦仲要死下死下咁，咁唯有去其他海鮮檔買海鮮叫佢加工(最主要冇海鮮揀)，問咗幾次嗰四眼女職員都話加工費80元斤(電話訂位時話90元斤)，仲要實牙實齒話計得好清楚，咁咪以為你做特價。跟住買完海鮮俾佢磅9斤5，當10斤計，冇問題，點知到埋單時又收我900元加工費，我問條數點計，有個矮小嘅女收銀(我估太子女)就理直氣壯話之前電話講咗90元一斤加工費先係真實收費，四眼女職員講錯咗，所以計800元，但要另外收特別加工費補番條數(X0炒象拔蚌，砵酒焗生蠔)，X0炒係四眼女職員提議，講砵酒焗時兩樣做法亦冇講另外收費，而太子女嘅態度仲要串串貢好似我攞咗著數，咁咪著咗同佢理論，我話你地職員之間冇共識關D客乜事，我問A你答90元，再問B你答80元，轉頭原來C可以話150元(舉例)，特別加工費仲要埋單先講，條數咪任你開，點知個太子女仲話唔通要四眼女職員自己嘔番100元出嚟，我心諗你咁樣做生意都得，自己員
跟住買完海鮮俾佢磅9斤5，當10斤計，冇問題，點知到埋單時又收我900元加工費，我問條數點計，有個矮小嘅女收銀(我估太子女)就理直氣壯話之前電話講咗90元一斤加工費先係真實收費，四眼女職員講錯咗，所以計800元，但要另外收特別加工費補番條數(X0炒象拔蚌，砵酒焗生蠔)，X0炒係四眼女職員提議，講砵酒焗時兩樣做法亦冇講另外收費，而太子女嘅態度仲要串串貢好似我攞咗著數，咁咪著咗同佢理論，我話你地職員之間冇共識關D客乜事，我問A你答90元，再問B你答80元，轉頭原來C可以話150元(舉例)，特別加工費仲要埋單先講，條數咪任你開，點知個太子女仲話唔通要四眼女職員自己嘔番100元出嚟，我心諗你咁樣做生意都得，自己員工錯誤要D客負責，冇問題，錢我照俾，但一定唔會再幫襯🤬，希望其他人前車可鑑。
张贴