影片
更多
2021-11-06
254 浏览
👎🏻👎🏻👎🏻唔好嗌呢間店嘅外賣！極品垃圾！樣樣嘢都漏單，仲要好難食，電話打極都冇人聽！是咁的，嗰日凌晨肚餓就係foodpanda嗌咗個麻辣燙食，外賣未到嗰陣我frd上嚟屋企搵我，問我食唔食宵夜，跟住我話嗌咗foodpanda，佢就問我食咩，我就推介咗呢間垃圾畀佢，我到而家都好後悔，我已經係一個為人處事好寬容嘅人，飯變意粉我都可以就咁食，費事為難啲侍應，但呢間我真係要詳細形容係如何極品法。重點：我個外賣先到，打開個麻辣燙，冇湯冇調味淨係有白淨嘅薯粉加幾個餸，唔洗食都知個麻辣燙已經中伏，跟住我數下啲餸，五餸得四餸，仲要錯嘢，台灣腸變金針菇，個麻辣燙完全冇味，齋乾撈，自己調咗個醬料撈勉強食到🤮....食到一半我frd個外賣到，佢啲麻辣燙打開都係咁，薯粉嗰份同我一樣情況，難食到....不如叫齋撈薯粉好過....啲餸一數又係漏嘢，另外一個麻辣燙加飯，結果連飯都冇，嗰下我真係嬲到爆，可能係因為我介紹咗呢間垃圾店畀我啲frd，亦都可能係佢樣樣嘢都中伏出錯，於是我決定打電話過去質問佢哋，結果就係打極都冇人聽....後尾搵foodpanda客服賠翻兩張優惠券。最後再次強調，呢間嘢真係垃圾嚟，我自問係一個
👎🏻👎🏻👎🏻唔好嗌呢間店嘅外賣！極品垃圾！樣樣嘢都漏單，仲要好難食，電話打極都冇人聽！
是咁的，嗰日凌晨肚餓就係foodpanda嗌咗個麻辣燙食，外賣未到嗰陣我frd上嚟屋企搵我，問我食唔食宵夜，跟住我話嗌咗foodpanda，佢就問我食咩，我就推介咗呢間垃圾畀佢，我到而家都好後悔，我已經係一個為人處事好寬容嘅人，飯變意粉我都可以就咁食，費事為難啲侍應，但呢間我真係要詳細形容係如何極品法。
重點：我個外賣先到，打開個麻辣燙，冇湯冇調味淨係有白淨嘅薯粉加幾個餸，唔洗食都知個麻辣燙已經中伏，跟住我數下啲餸，五餸得四餸，仲要錯嘢，台灣腸變金針菇，個麻辣燙完全冇味，齋乾撈，自己調咗個醬料撈勉強食到🤮....
食到一半我frd個外賣到，佢啲麻辣燙打開都係咁，薯粉嗰份同我一樣情況，難食到....不如叫齋撈薯粉好過....啲餸一數又係漏嘢，另外一個麻辣燙加飯，結果連飯都冇，嗰下我真係嬲到爆，可能係因為我介紹咗呢間垃圾店畀我啲frd，亦都可能係佢樣樣嘢都中伏出錯，於是我決定打電話過去質問佢哋，結果就係打極都冇人聽....後尾搵foodpanda客服賠翻兩張優惠券。
最後再次強調，呢間嘢真係垃圾嚟，我自問係一個為人善良極少留負評以及極少麻煩他人嘅人，但係呢間嘢就係垃圾垃圾垃圾垃圾，你哋唔好去食呀！！！唔希望你哋都中伏，食嘢前打開openrice睇下會好啲，我今日先諗起過嚟搵下呢間極品食肆，見到多數人都同我差唔多經歷，希望大家係現實生活中唔好再遇到呢啲極品店，要食得開心！
张贴
