坡椰坡囉咪

营业中

休息中

今日去左食「坡椰坡囉咪」😂，係食星馬菜，餐廳名幾特別，食飯由主食到小食都有落功夫做得好出色，私心大推。🍝福建蝦湯麵 $73呢碗福建蝦湯麵個湯底超香濃，充滿蝦嘅鮮味，而且上面嘅鮮蝦仲大大隻又彈牙，連埋個湯一齊食一流。🍞焗咖哩農夫包牛腩 $90呢度嘅農夫包做得好出色，焗到超級香脆，而我地揀左新加坡咖哩，係比較重奶香而唔會好辣嘅咖哩，至於牛腩份量都唔少，而且食落都重牛油膩香味同個咖哩好夾。🥬馬拉盞炒通菜 $60馬拉盞炒通菜炒得好有鑊氣，連埋炸蒜食落好香，而且馬拉盞嘅份量落得好好，提味嘅同時又唔會太鹹，絕對係一道唔可以錯過嘅菜。🍤炸蝦餅5件 $50蝦餅新鮮炸起金黃色，外面嘅炸脆皮包住咗鮮嫩多汁嘅蝦肉，食落相當彈牙，而且佢個醬汁做得好出色，酸酸辣辣又有蒜香味，點完將炸蝦餅昇華到另一個層次。🍵鹹檸碧 $25 熱拉茶 $12熱拉茶上面有泡泡非常之綿密，有濃郁嘅茶香同滑順嘅口感，而且調味岩岩好，唔會太甜。