神輿日本料理 (已結業)

朋友話想食放題，見呢間放題喺旺角咁就腳就去試下，地方好寬敞，坐得好舒服，我地坐喺卡位，制造左一個私隱度幾高既空間俾我地。食物種類都算多，刺身幾新鮮，海膽同鰻魚壽司，味道不過不失，值得一讚係佢既軟殼蟹手卷，紫菜同蟹都好脆，仲熱既，好似新鮮炸出黎咁，我覺得份量適中，唔會得隻蟹腳仔同勁多飯黎令你飽到食唔到其他野～個芝麻脆皮雞翼，鹽燒雞腎，燒海老同蟹籽沙律，炸物都幾出色，海鮮雜錦鍋同壽喜燒就冇咩味，個羊架出到黎好細份，雪糕種類比較少。店員既服務ok,上菜快，冇漏單，好快會過黎幫你收走d 食完既碗碟，如果想食放題坐得舒服既朋友，呢間係唔錯既選擇～