呢間餐廳唔單止食物正宗，仲坐得好寬敞，好適合情侶或者一大班人happy gathering!🥰一邊食住酸辣開胃嘅泰菜，一邊望住遊艇會嘅景色，真係雙重享受～今次叫咗幾款黎泰國餐廳必點既菜，同大家分享一下！
🦐 阿閒泰虎蝦冬蔭功湯
酸辣醒神，湯底香濃，虎蝦超大隻，鮮甜彈牙，一啖就帶你飛去泰國！
🍊阿閒泰柚子沙律
清新開胃，柚子清甜帶微酸，加上脆脆同香料，食完胃口大開～
🍢 炭燒叉燒串
外層微焦，肉質嫩滑，炭燒香氣撲鼻，蘸埋秘製醬汁，真係忍唔住encore！
🦐虎蝦炒金邊粉
鑊氣十足，金邊粉炒得乾身唔油膩，虎蝦大大隻，加埋花生碎同青檸汁，酸甜平衡得剛剛好！
🍗泰鹹蛋黃金單骨雞翼
鹹蛋黃香濃惹味，雞翼炸得酥脆，一啖一件，佐酒一流！
🥭椰香芒果黑糯米
食到最尾都話女人有第二個胃。甜！品！飯後必點😋黑糯米軟糯香甜，配上香甜芒果同濃郁椰奶，完美收尾！
💡 坐擁銅鑼灣世貿中心海景，落地大玻璃望住遊艇會同維港景色，美食加美景，真係冇得輸！如果想試吓呢種「味覺+視覺」雙重享受，記得book定窗口位啦～✨
