孖啡 (已結業)

星期日同朋友去左旺角既double cafe食lunch，貪cafe坐得舒服，可以慢慢傾。呢間cafe環境唔錯，仲安排我地坐係超闊落既梳化位👍。午餐set抵食，叫左凱撒沙律（$66），同鮮茄豬扒焗飯（$76），套餐包1杯38元或以下飲品，其他特飲可補差價。另外加25蚊有一個龍蝦湯，龍蝦湯都幾大碗，龍蝦味好濃郁，幾好飲。凱撒沙律幾清新，啱曬 keep fit嘅女士。我朋友點嘅豬扒飯，佢都大讚豬扒厚身，覺得唔乾好juicy，而且番茄醬酸酸地好開胃，送飯一流。