鳴虎石頭燒 (已結業)

鳴虎喺全港唔同佢都有分店，主打唔同系列嘅日式料理，除左經典必食拉麵，我哋今日就去到呢間位於土瓜灣嘅石頭燒分店。新開，裝修好靚，好新淨好闊落。店員都係年青人，而且服務態度都好好，有問必答！最近佢哋仲同CityU出嘅手機app推廣緊會員優惠，如果係呢頭住同返工，值得諗！我同朋友分別試咗- 生薑豚肉燒丼：豚肉份量相當多。豚肉少少肥肉，啱哂我哋，唔會太油膩，又唔會太乾太硬身。加埋汁燒洋蔥，撈飯一流！- M5牛肉蓋飯非常出色！3,4大塊牛肉上菜嘅時候，略帶粉紅色，無燒得太熟，非常好。特別係我鍾意食日本生蛋，燒牛肉加蛋汁，好新鮮好好味，用尼拌飯可以食晒成碗白飯！而呢個價錢食，好值得！兩個套餐都包埋甜品：沙律同芝麻汁拌豆腐，清清地，解膩非常好。仲有例牌嘅麵豉湯，飲埋就份量剛剛好。呢度坐得舒服，環境舒服，同朋友一齊食餐便飯係非常好嘅選擇！