東海酒家 (已結業)

原本想叫魚翅鮑魚餐(全包免加一), 不過幾個細路仔又冇理由加錢加人頭, 唔抵嘛... 所以最後決定散叫... 特式併盤--鴨舌暖暖地, 幾好味... D燒排骨就普普通通冇咩特色... 蝴蝶夾伴藕餅--食完都唔記得食過, 可以不理... 蒜片和牛粒--D牛肉好好味喎, 仲好易咬開, 正... 生猛龍蝦(芝士焗)(另加2個伊麵底)--D龍蝦好多肉好新鮮, 芝士伊麵好好味, 叫咗2個都唔夠喉... 瑤柱貴妃雞(半隻)--味道都OK... 北京片皮鴨(1隻)--嘩!!! 乜呢度有1隻鴨??? 隻鴨都多肉同埋冇咩肥膏, 味道都OK... 麼麼--什麼什麼??? 我地對張上菜紙時都R晒頭, 咩麼麼呀? 我地都冇ORDER... 原來... 係包片皮鴨嘅皮... D麼麼薄到我一手夾起一塊, 原來係四塊咁多, 使唔使薄到咁呀??? 香草鮮茄星班骨腩(送濃湯灼時蔬)--呢個都OK吖, 酸酸甜甜仲好香香草味, 點解會成鍋食剩晒o架??? 全晚得呢一味食剩咋喎... 蝦球荷塘滑豆腐--好滑呀D豆腐!!!!!! 味道好清淡, 好快比人掃晒... 馳名無鍚骨--好入味呀, 又夠淋, 如果份量多D就好喇... 金