影片
更多
2024-06-02
63 浏览
今晚專登去老公公司附近搵佢食飯，佢遲放工，等佢唔使行咁遠。坐得舒舒服服食佢鍾意嘅中菜。睇了menu唔想諗咁多，見到有二人套餐$398，就選了個二人套餐試吓，響套餐入邊每個選項再選，縮窄範圍。涼拌麻煩三菇三種菇菌以麻辣醬汁調味，麻辣味唔會太嗆，不錯的涼拌。雞絲拉皮雞絲拉皮d雞絲不會嚡口，麻醬份量適中，加上青瓜絲同紅蘿蔔絲，味道幾清爽。蟹籽燒賣（2件）套餐入面可以揀一款指定點心，揀咗燒賣，豬肉同蝦嘅比例剛好，咬落去爽口加上冬菇絲，食落去幾香。筍尖鮮蝦餃（3件）$59我哋自己加多咗個點心。賣相好飽滿，新鮮蝦肉彈牙，筍尖爽口，皮薄夠熱，高質既蝦餃。師傅燉湯呢個燉湯好正，首先夠晒熱，然後材料十足，有雞腳，雞肉，瘦肉，紅蘿蔔再加上羊肚菌，啖湯非常濃厚得來又清，好好飲。鳳梨咕嚕肉甜酸味剛好，豬肉外層炸得香脆，內裏鮮嫩，認真外脆內軟，加埋鮮甜菠蘿及三色椒一齊食，佐飯首選。咸魚雞粒炒飯超多料，好多嫩滑嘅雞肉，個飯炒得少油但炒飯夠鑊氣，粒粒分明。鹹魚幾香，如果再多啲鹹魚粒，個炒飯味道會更香濃一點。整體上，個套飯咩都有齊，前菜、點心、燉湯、小菜同炒飯有齊，價錢又合理，性價比高。唯一係差個甜品，可以加錢追加甜
睇了menu唔想諗咁多，見到有二人套餐$398，就選了個二人套餐試吓，響套餐入邊每個選項再選，縮窄範圍。
涼拌
麻煩三菇
三種菇菌以麻辣醬汁調味，麻辣味唔會太嗆，不錯的涼拌。
雞絲拉皮
雞絲拉皮d雞絲不會嚡口，麻醬份量適中，加上青瓜絲同紅蘿蔔絲，味道幾清爽。
蟹籽燒賣（2件）
套餐入面可以揀一款指定點心，揀咗燒賣，豬肉同蝦嘅比例剛好，咬落去爽口加上冬菇絲，食落去幾香。
筍尖鮮蝦餃（3件）$59
我哋自己加多咗個點心。賣相好飽滿，新鮮蝦肉彈牙，筍尖爽口，皮薄夠熱，高質既蝦餃。
師傅燉湯
呢個燉湯好正，首先夠晒熱，然後材料十足，有雞腳，雞肉，瘦肉，紅蘿蔔再加上羊肚菌，啖湯非常濃厚得來又清，好好飲。
鳳梨咕嚕肉
甜酸味剛好，豬肉外層炸得香脆，內裏鮮嫩，認真外脆內軟，加埋鮮甜菠蘿及三色椒一齊食，佐飯首選。
咸魚雞粒炒飯
超多料，好多嫩滑嘅雞肉，個飯炒得少油但炒飯夠鑊氣，粒粒分明。鹹魚幾香，如果再多啲鹹魚粒，個炒飯味道會更香濃一點。
整體上，個套飯咩都有齊，前菜、點心、燉湯、小菜同炒飯有齊，價錢又合理，性價比高。唯一係差個甜品，可以加錢追加甜品，如果包埋就perfect。
张贴
