Pokka Cafe (青衣城1) (已結業)

本身想食對面間台灣野，但太多人等位，所以即刻轉陣去左Pokka cafe。可能午餐價錢都唔平，所以入面無咩客人係到。我就揀左牛柳意粉跟餐湯，朋友揀左個漢堡定食。呢個甘荀湯好濃綢，我飲左一大半湯同食左半個麵包已經半飽啦。要即刻收手，唔係主菜就食唔落。牛柳肉好淋同好多舊；螺絲粉煮得岩岩好，唔太硬又唔會太軟。原本好肚餓，個意粉食左一半太飽就食唔落啦。總結，食物質素同環境都唔錯，但午餐價錢黎講就唔可以成日食啦。