影片
更多
2023-10-15
25 浏览
樓上鋪自己其實硬係覺得會坐得唔舒服，逼逼夾夾咁樣，但係呢間究極堂入到去裝修靚，光猛之餘，亦都坐得好闊落。已經係我三個鐘加咗好多分，仲要一讚嘅係佢個Menu好靚，影咗啲食物全部都好想食。山芋泥碎拖羅丼($158): 好似喺香港嘅居酒屋會見到有珊瑚麗食，除咗好難整得好食之外，口感可能香港人唔係太鍾意，但係我同朋友都係山芋泥嘅fans!!見到呢個即刻叫咗，唔需要調味已經覺得好好食，魚生新鮮之外，佢嘅飯底亦都用上操飯，感覺唔會太甜。雖然係即磨嘅山芋泥，但係唔會食到有種清澀嘅味道。明太子芝士玉子燒($78): 本身諗住會係平時見到方形嘅玉子燒，但係佢哋應該落咗少少奶，整到半熟咁樣，雖然切出嚟唔會有拉絲嘅感覺，但係食落去嘅芝士味配上明太子醬同埋魚子，感覺真係好滿足! 幾乎係去居酒屋必點嘅！明太子雜菌地雞薄餅($118): 其實上菜嘅時候唔見到有明太子又或者任何嘅菇類，反而食落去係洋蔥芝士雞薄餅。自己唔係好鍾意食洋蔥嘅，但係呢一個接受到嘅，洋蔥絲切得好幼，而且冇咗嗰種生洋蔥味。芝士雖然冇拉絲嘅效果，但係雞肉嘅調味啱啱好，而且薄餅亦都整得脆口。如果可以多啲人嚟嘅話就可以叫多啲share啦，自己對另外一
山芋泥碎拖羅丼($158): 好似喺香港嘅居酒屋會見到有珊瑚麗食，除咗好難整得好食之外，口感可能香港人唔係太鍾意，但係我同朋友都係山芋泥嘅fans!!見到呢個即刻叫咗，唔需要調味已經覺得好好食，魚生新鮮之外，佢嘅飯底亦都用上操飯，感覺唔會太甜。雖然係即磨嘅山芋泥，但係唔會食到有種清澀嘅味道。
明太子芝士玉子燒($78): 本身諗住會係平時見到方形嘅玉子燒，但係佢哋應該落咗少少奶，整到半熟咁樣，雖然切出嚟唔會有拉絲嘅感覺，但係食落去嘅芝士味配上明太子醬同埋魚子，感覺真係好滿足! 幾乎係去居酒屋必點嘅！
明太子雜菌地雞薄餅($118): 其實上菜嘅時候唔見到有明太子又或者任何嘅菇類，反而食落去係洋蔥芝士雞薄餅。自己唔係好鍾意食洋蔥嘅，但係呢一個接受到嘅，洋蔥絲切得好幼，而且冇咗嗰種生洋蔥味。芝士雖然冇拉絲嘅效果，但係雞肉嘅調味啱啱好，而且薄餅亦都整得脆口。如果可以多啲人嚟嘅話就可以叫多啲share啦，自己對另外一個麥粒味噌黑豚肉薄餅都幾有興趣。
自家製炸雞伴洋蔥沙律($68): 自己想食炸雞，而且朋友又唔介意食洋蔥之下，所以就叫咗呢道菜，炸雞大概有四至五塊而且算大件，咬落去肉汁都流出來，調味做得好，唔會過咸，配上少少帶洋蔥味嘅沙律醬都感覺清新。
煙燻蘿蔔配奶油芝士($58): 自己都算好期待呢一道菜，揭餐牌嘅時候見到都覺得幾新奇。上菜嘅時候比你自己揭開有濃濃的煙熏效果，玩味十足。過咗一陣先食其實都會食到煙熏味黐咗喺蘿蔔上邊，配上奶油芝士同埋蕃茄，每一樣嘅平衡都啱啱好唔會搶咗大家本身食物嘅味道，其實都唔知點樣形容，但係佢係一個我冇食過嘅味道，如果鍾意醃蘿蔔嘅朋友覺得係必試嘅。
脆香辣三文魚卷($48): 食落去其實冇乜辣味，反而係有龍龍嘅海苔味喺卷嘅外面，食上去完全唔需要點豉油，調味做得啱啱好，而且好新鮮好滿足！！
抹茶牛奶朱古力($48): 純粹係見到呢個配搭，好似幾特別咁，佢可以揀配紅豆，朱古力或者咖啡，見到隔籬枱叫覺得幾靚，所以就嗌一杯，當然顏色靚之餘，都有濃濃嘅抹茶味，自己覺得有少少甜，可能都係抹茶牛奶配紅豆會感覺classic 啲。
Orion生啤($78)
總結：裝修靚座位闊落，用具有份高級感，我哋平日七點左右入座已經差唔多有一半人坐滿，臨走嘅時候更加係滿座。食物質素高而且價錢絕對唔貴，同一大班朋友嘅話可以叫多啲一齊分享！
张贴
