尚夢・茳煳 (已結業)

今日灣仔做完嘢朋友約食下午茶，見有啲肚餓唔想食西餐，所以諗住搵啲中式餐廳食。係修頓球場附近行咗個圈畀間餐廳個名尚夢茳煳 吸引到，再望下個menu 原來就係食中菜見啲相好靚所以就入去試，一入餐廳就已經有個大魚池，入面有魚有龍蝦。再行入去有張吧枱地方都好寬闊，店員安排咗我哋坐卡位又大又舒服正。👍🏻👍🏻晏晝同下午茶套餐有十零款，炒粉麵粉蒸餸樣樣有，套餐包埋嘢飲燉湯同甜品好豐富。燉湯好清甜同用蠟燭興住飲到尾都仲熱，頭抽安格斯牛肉炒河粉，牛肉唔會好似出面普通牛肉醃製過，好有牛味唔會韌。😋😋😋😋😋茳煳醉雞，花雕味道啱啱好唔會咁過曬雞味道， 雞皮浸咗花雕味有酒香又有油香，雞肉好都滑盡量都唔細。😋😋😋😋😋離開呢頭如果想食好食下午茶又想坐得舒服，呢度係唔錯嘅選擇。😊