孖啡 (已結業)

約咗朋友喺旺角食下午茶，佢話要帶我去食嗎啡，我話作為香港人依家當然精神上好痛楚，但係打嗎啡對精神上嘅痛楚應該冇幫助，朋友話我諗多咗，原來係「孖啡Double Cafe」唔係「嗎啡morphine 」😆，咁佢就帶咗我嚟呢間喺樓上嘅cafe😄雖然係下午茶時間，但係見到午市套餐幾吸引，咁我就叫咗$80嘅「黑松露野菌意大利飯」，朋友就叫咗$84嘅「龍蝦汁海鮮天使麵」，Lunch Set包一杯$38嘅飲品，$38以上就要補差價，咁我哋都各補$7要咗原價$45嘅「焦糖朱古力」同「薄荷朱古力」😁意大利飯好creamy，有淡淡的黑松露香味；朋友話海鮮天使麵都幾好食，仲有青口、魷魚、蝦仁都幾好味😋；呢度另外嘅key selling point係坐得舒服又可以慢慢傾偈玩埋board games😄朋友同我喺呢度過咗一個好愉快嘅下午😋😆😁