甘岩接老公放工經過上海街，見到有間和民車仔麵，裝修靚靚，睇落乾淨企理，最緊要冷氣夠🤣係甘熱既天氣入去食簡直係舒服。
和民招牌牛魔王，啱晒鍾意食牛嘅我哋。有牛柏葉，牛腩，牛筋，牛丸，金錢肚，肥牛。牛腩炆得夠軟冧又入味，記得要加腩汁。牛筋帶點骨膠原口感，好煙韌。呢個係包飲品，都抵食。
另外仲叫咗小食：玻璃辣魷魚，咖喱三寶，泡椒鳳爪。
魚蛋係陳皮魚蛋好食😋，咖喱辣得黎帶點微甜。
玻璃辣魷魚，啲魷魚真係好似玻璃咁爽脆，呢個就岩晒鍾意食辣嘅朋友。
泡椒鳳爪相對冇咁辣，酸辣再加涷食好岩夏天。
去到車仔麵店點可以唔叫返碗車仔麵。
車仔面餸都唔少選款選擇，推介豬腸，豬紅，牛骨濃汁牛丸，紅燒肉。豬腸同牛骨濃汁牛丸係必點！必點！必點！
麵底方便，叫左米粉，有驚喜，係好似粉絲個隻透明米粉，好有彈性，又唔會哽喉。平時白色嗰隻米粉，我次次食開都會濁到😅
而家新開業，外賣自取同堂食都有88折優優👍🏻👍🏻👍🏻正呀
