串Grill 自助燒烤專門店 (譽發廣場) (已結業)

好耐冇去自助串燒既餐廳食野，所以朋友一提議就即刻應承一齊去食❤️我地都早放工，可以揀happy hour去食，只要7:30前離社，星期一至四只係$208，幾抵食！食物飲品都係無限添加，我地第一轉叫咗好多肉，豬牛雞魚咩都有😆食物嚟到已經串好比我地，我地一邊傾計一邊等佢自己慢慢轉慢慢加熱，坐定定唔洗做就有得食😎食夠肉類就點蔬菜，推介菠蘿同日本甜薯，尤其係甜薯，細細粒甜甜地，健康得嚟又美味，所以我地不斷encore 😂食到尾聲當然要食甜品，雞蛋仔同棉花糖我都鍾意。雞蛋仔燒完之後外脆內軟，勁好味呀！棉花糖燒到外層變金黃色，加埋裏面融化咗既糖漿，百吃不厭！飲品選擇唔少，我地揀咗鴻福堂既飲品，清潤又解膩。