Mr. & Mrs. Cat & Dessert Cafe (已結業)

好開心喺鬧市之中又多左個貓迷聚腳\點，大家一邊傾下貓經、一邊歎下美食，坐下坐下咁就待左成個下午，好relax，最重要係見到班可愛貓咪，個心就會好甜，佢地真係好治癒呢~趁呢排天氣暖返d，所以order左個冷稻庭烏冬，重點當然係自家調配嘅鰹魚昆布汁，味道食得出好天然，濃度恰到好處，唔會太咸、亦唔會稀到好似水咁，掛左落烏冬度入口，特別清甜順滑。另外仲歎左杯凍Cappuccino，因為冇加冰，所以飲落特別「原汁原味」，香中帶濃，口感好rich。