壺 (大王東街)

今日約咗朋友嚟灣仔食晚飯，未夠鐘就同另一個朋友喺街漫無目的行住先，天氣乾燥想買杯嘢飲，見到橫巷有呢間茶飲店，啱晒！店員推介咗新推出古早系列鹹檸檬茶俾我朋友，自己就揀咗杯奶蓋紅茶！得閒同店員傾多兩句，店員介紹飲品由在港台灣師傅研發、材料由台灣直送，同埋係香港坊間少見嘅以果凍作為主題嘅茶飲店。

10

✔️港式鹹檸檬紅茶$35
飲品杯蓋仿中式茶杯蓋，回應返古早系列呢個主題。成隻杯係黑色，杯腳位仲有漸變效果，設計幾有特色。飲到用紅茶做基底嘅甘甘澀澀味道，用鹽醃製嘅鹹檸檬散發酸鹹風味，回甘生津。

✔️熟成紅茶芝芝奶蓋$46+茉莉綠茶凍$5
因為好口渴，所以選擇咗紅茶，而唔係奶茶，感覺輕盈啲解渴啲。上面嗰層芝士奶蓋都幾厚，當然唔少得加埋呢度嘅招牌茶凍，口感唔錯。