FRITES Belgium on Tap (曦巒) (已搬遷) 新店位置

老細請食飯，話去食frites, 完全未聽過，原來係希雲街尾尾，希雲街黎過好多次但從來都唔知呢間餐廳既存在。一推門入去，哇，同出面係兩個世界，樓底極高，裝修古典但又casual,好有beer hall既感覺，一入黎巳經有想飲啤酒既感覺！Lunch set 要左mussel同seabass. Sea bass 烤得好嫩，伴碟既南瓜蓉非常香滑又creamy,比起常見既薯蓉我覺得好特別。另外仲有小量烤蔬菜，烤得香口但唔會太乾身，同南瓜蓉一齊食係正既。Mussel既sauce非常美味，用伴碟既面包沾住食一流！不過得一塊面包，我就覺得唔夠喉。甜品係一個朱古力puff,略為太甜，比起主菜就顯得失色啦。不過main dish我食得好滿足，好想搵日落黎飲啤酒，啲窗邊位好正，氣氛一定一流者！聽講啤酒都係出名架！