薈亞廚房 (已結業)

放假去千色店行街, 隔離既一期亦都重新裝修, 仲多左好多食肆, 行到咁上下就搵個地方食下午茶. 呢間地方大, 好多梳化位, 而且唔洗等, 下午茶都唔算貴, 一於試下.要個"越式香茅豬扒湯河"$40, 先黎個湯河, 望落好似好清, 先飲下個湯, 唔淡仲幾夠味, 清得黎咸咸地. 河粉唔厚, 爽口夠滑, 份量中規中舉.另上既香茅豬扒, 香茅味唔算好重, 豬扒鬆鬆地唔會太韌, 配埋D蔥味道唔錯.跟餐熱奶茶, 其實可以配龍眼冰, 不過無試. 奶茶都好正常, 茶味足, 夠滑.