極尚大瀛喜日本料理

营业中

休息中

一直都好鍾意食日本放題，最近知道元朗開咗一間新嘅日本放題，仲要開係一個新開嘅商場入面真係非常之難得，一般嘅放題店都會開係一啲比較遠嘅地方，所以依間放題店嘅位置真係非常之方便人，元朗西鐵站一出行唔夠5分鐘就到。餐廳嘅裝修都非常之好啊，位置亦都非常之多同埋大除咗放題點餐之外，中間位置仲放咗一啲沙律吧小食同埋一個非常之大嘅雪櫃入面有唔同種類嘅飲品，仲有啤酒俾你地揀添，我最鍾意就係有任飲嘅維他朱古力奶， 一般嘅朱古力奶都係比較貴，放題餐廳都冇得叫，但係依間餐廳就可以俾我哋任攞所以覺得非常之抵讚。講到其他刺身食物，我個人就覺得刺身方面非常之高質帶子甜蝦同埋三文魚與等等味道都非常之高質而且非常之大份壽司方面都有鵝肝帶子壽司同埋其他火焰壽司都好好食。跟住仲有蒲燒鰻魚，另外其他串燒款式都非常之多而且味道都燒得非常之好二渣米方面我哋就叫咗吉列炸蠔，芝士年糕，榴槤炸彈等等，啲炸物嘅水準都非常之唔錯，炸粉唔會太多食落去非常之香脆同埋新鮮。而且好鍾意依間餐廳嘅裝修同埋位置都非常之舒服，唔會坐到好迫夾咁樣所以一大班朋友嚟食都幾適合。