上海婆婆 (新都城中心) (已結業)

將軍澳新都城食市林立，平平貴貴各式各樣的菜式以供選擇，是晚就揀選了中位價錢的上海婆婆醫肚，因已過了晚飯排長龍的時間，唔洗點排隊就安排我倆安坐於四人枱，舒舒服服。小食點了生煎鍋貼同婆婆小籠包，上菜時間快速，上桌時食物熱騰騰的，小籠包一籠四粒，咬落去湯汁滿滿溢出，肉汁鮮味，點埋醋食一絕。$36/4粒生煎鍋貼一碟三件，$36/3件，價格適中，鍋貼大大隻，底部煎得脆卜卜，咬落去肉餡滿滿，湯汁跟肉餡流出來，熱辣辣鮮甜又好吃。咸香蝦球，$118/碟，相比出面的餐廳這碟蝦球不算太貴，每粒蝦球都包著咸蛋黃，咸香味齒頰留香，蝦球肉質彈牙可口，而且蝦球大大粒，份量都唔小，送飯絕配。最後點埋雪菜肉絲炒年糕，$70/1碟，食完濃味野都想清清地叫個炒年糕，年糕煙煙韌韌，雪菜肉絲清淡，剛好中和口中的咸味，加埋這個炒年糕就飽晒，飲埋生磨豆漿，已經十分滿足！