滿屋日本料理 (已結業)

同好友慶祝生日，佢超鍾意食放題，於是揀咗銅鑼灣滿屋，貪地點方便就腳。一坐低，打開menu 見到好多壽司刺身都想食，但我們想重質不重量，我們點咗店鋪推介嘅甜蝦刺身、京蔥三文魚壽司、海膽伴拖羅蓉壽司、好幾款火灸壽司、炸蠔、芝麻雞翼等等......先講甜蝦刺身，鮮甜新鮮，抵讚。京蔥三文魚壽司，不俗，但三文魚味道不算突出。海膽伴拖羅蓉壽司，海膽尚可，細細舊，唔會飽肚，幾好。火灸壽司，我最喜歡火灸三文魚腩及厚燒玉子，兩種壽司賣相都很吸引，三文魚腩燒得很香口，一吃就充滿魚油，大愛。炸蠔幾大隻，炸得香口。炸蝦天婦羅都好好食，蝦肉好甜。芝麻雞翼亦都係我推介，好香口入味，炸得香脆。最後，我點了一杯哈記的焦糖脆餅雪糕結尾，美滿了這頓生日飯。另外，這裡的飲品非常多選擇，總會揀到想飲的。