長阪燒 (已結業)

今日同朋友去左旺角呢間好近地鐵站，位於砵蘭街嘅日本餐廳—長阪燒。餐廳入面裝潢好靚好有日本feel。我哋坐喺bar枱，同其他食客都隔得幾多，食得舒服，又可以睇到師傅手藝。長阪燒自家釀梅酒店員為我地介紹，話釀左兩年。梅酒酸甜平衡得好好，有好香梅味，配埋冰好啱夏天飲。日本生蠔4隻呢間餐廳好好服務，分開俾多左隻碟剩係for 食生蠔。生蠔非常大隻，食落好肥美新鮮。松葉蟹膏多士脆多士配埋松葉蟹膏醬，食落好香，非常惹味。雲丹拖羅蓉山盛上面有海膽、三文魚子同拖羅蓉，下面有6件卷物。好鍾意佢個海膽同拖羅都好鮮甜。D食材一啖食好有口感，超好味！拖羅根沙律拖羅根肉質好爽好彈，加埋魚子，仲有蕃茄仔酸酸甜甜，食完好開胃！串燒第一次食提燈，即係初生雞蛋，好似食一個好嫩滑嘅蛋黃咁，好特別！其他串燒都燒得好香，好味。