福門海鮮菜館 (已結業)

有日行開大角咀, 好耐未去過酒樓食小菜, 所以就去左呢間福門, 當日人流唔多, 好快就有位。點左個雞煲, 幾香, 辣度可以落單個陣揀, D料幾足! 同出面任食雞煲個D好唔同, 香好多。仲叫左個燒鵝, 老婆想食, haha, 睇落好油, 食落又唔係太油, 燒得幾靚架都。呢兩隻蟶子皇, 我就唔捨得叫黎食, 見到呢度唔係貴, $88/兩隻, 叫黎試下, 嘩無縮水WO, 同佢餐單張圖一模一樣, 食落好鮮, 一定係游水先有既味。呢個係蟹肉炒鮮奶, 麻麻地, 我就嫌佢炒得太實, 不過份量夠多, 味道係無問題的。我得兩個人但都食左4樣野, 飽到想死, 不過又發現到呢間酒樓D野又幾好食, 下次行開大角咀一定會再黎。