喜惶點心專門店 (已改名) 查看

「請勿在車廂中飲食」相信大家都耳熟能詳了，有冇諗過可以係港鐵🚇度嘆一盅兩件點心呢⁉️帶大家去一個特別嘅站「Hay Wong Station 」其實係喜惶點心專門店黎㗎，門口掛住一舊舊牛肉，好似牛肉檔口咁，仿真度高。餐廳兩層設計各有特色，地下一層設計有香港懷舊電影🎬海報、冰室座位，充滿回憶。準備上樓前就見到樓梯處，係地鐵內常見嘅出口指示牌🪧，樓上就係特別站「Hay Wong Station 」，地鐵車廂🚇佈景主題，有晒地鐵路線圖，可以係度嘆返一盅兩件點心，慢慢食，好寫意❣️「一個人的浪漫」 聽名都覺得浪漫嘅💜一人份量專屬，有8款點心，份量啱啱好，有鮮蝦餃、紫薯鬆糕、鮮蝦腐皮卷、蜜汁叉燒包、芥未沙汁三文魚春卷、鮮肉灌湯小龍包、瑤柱杞子燒賣皇、竹炭熔岩奶皇包。另外再試咗幾款點心，黑椒汁牛肉蝴蝶餅、老火湯、名醬蒸鳳爪、醬煌鮮蝦餃、桂花糕、芥末沙汁三文魚春卷。全部點心即落即蒸，瑤柱杞子燒賣皇入面有瑤柱碎㗎👍🏻 黑椒汁牛肉蝴蝶餅感覺有啲似刈包咁，包住舊牛肉餅一齊食，肉質嫩滑多汁，咬落去好juicy 。蝦餃大大粒，蝦肉彈牙。桂花糕清新，唔會好甜。芥末沙汁三文魚春卷幾開胃，外皮酥脆。