麥金.麥金馬來西亞特式茶啡室 (已結業)

好一段時間無食馬來西亞菜。近排天氣又凍冰冰，即刻好想飲熱辣辣既肉骨茶！決定去大角咀一間充滿馬來西亞地道氣息既《麥金》😋［肉骨茶］馬來西亞名菜之一。《麥金》既肉骨茶以甘草 當歸 桂皮 玉竹 黨蔘 川芎 杞子 紅棗等材料，用心熬製而成。有行氣活血、驅寒袪濕、增強抵抗力既功效。一直用火熱住，保持溫度，飲完成個人暖笠笠，好舒服。味道甘而不苦，好好味🤤仲可以無限添飲！［砂煲老鼠粉］配料有銀針粉 肉碎 半熟蛋 蝦米 豬油渣 炸蔥 炸蒜等。以砂煲上整件事熱辣辣，再以半熟蛋拌勻所有配料，又香又滑，鹹香味十足。［檳城香炸滷肉卷］腐皮外層炸得好酥脆，裡面包住肥瘦適中既豬肉，既彈牙又香口。配合蔘巴醬更美味。［椰香南洋燒麵包］麵包好香脆，內層夾住咖映醬，好香既椰香同蛋香。而且口感一流，大讚💛喜歡既仲可以額外加牛油夾心！［桔仔話梅水 / 朱古力香蕉奶昔］前者酸酸甜甜好開胃；後者香蕉味好香濃，但整體唔會好膩，好飲。