湘聚小廚

营业中

休息中

今日同朋友去咗西環石塘咀呢間小館吃飯，我們去到小館大概晚上七點鐘左右，已經有一啲人坐咗喺度食嘢 ，坐低先嚟涼拌花生同海帶絲作暖場。「 清炒萵筍絲」 萵筍絲切成長長一條條，清炒冇落任何蒜蓉爆香 反而食到清爽嫩綠嘅蔬菜味道，而且份量唔細碟幾抵食。「海鮮一品煲」 有分大中小辣， 我哋就揀咗個小辣，都可以食到味蕾特別醒神，另外，海鮮鍋的鍋子很特別的花紋滿有民族風味 ，仲以為係內地民族店食嘢添，再睇下食物份量都係唔少，水平線望去似堆成小山丘，四個食都夠有餘，食材方面有魚 、有蜆同有蝦等等海鮮，成個鍋都充滿了葱花同辣椒，見到都會令口腔兩腮流口水。 這道菜除咗味道不錯之外，我欣賞係有點著蠟燭作保溫，因為海鮮鍋的油頗多，油很快會變糊狀，所以有火保溫保持液體狀態，就唔怕慢慢食。魚肉滑蝦肉ok蜆冇沙，幾爽口呢一餐食得開懷，展開了今年同朋友飯局，日後陸續有來。