韓珍 (帝國中心) (已結業)

星期日放左工想食韓式燒肉，係公司附近揀左間超多正評嘅韓珍，餐廳地方好大好闊落，店員同顧客好多都係韓國人，証明真係超級地道🤣🤣🤣🤣我地三個人點左呢到嘅招牌，八色珍味拼盤，唔同口味嘅五花肉同靚牛，岩哂我地三個食肉獸！呢個拼盤包左四款皇牌口味五花肉：我鍾意既黑椒味，香到暈既香草味，岩哂重口味朋友嘅韓式辣醬味同咖哩味、建議大家由淡味食到濃味試真d味道！五花肉好厚身，十分入味，肥肉分佈好平均，將兩面燒至金黃就食得，怕肥嘅朋友就可以包埋生菜食中和番個油膩感牛肉方面就有牛舌，厚薄適中，有咬口，好正！雪花牛肉係必食推薦，肉味超濃，肉質軟腍，係咁易燒燒兩面就食得，超好味啊！最後仲有調味烤排骨，呢款肉會比較有口感，原本比較長身，可以用較剪剪成粒粒燒更香口！呢個拼盤仲包左前菜沙律、辣八爪魚同烘蛋餅！蛋餅意外驚喜好出色，香滑既蛋外層烘到金黃香脆，內面仲有洋蔥、椒，令到食落好有口感！另外仲點左杯特飲，酒味都幾濃，配埋燒肉超爽！最後值得一提既係店員服好好，經常主動換網，超抵讚！下次會再黎食過