喜來稀肉 (登龍街)

营业中

休息中

鐘意食韓燒同韓牛嘅大家，相信對喜來稀肉都唔陌生。由居港韓國人主理將地道韓烤風味帶嚟香港。今次就去咗銅鑼灣樓上店試吓。餐廳嘅環境都好舒服，亦都還原唔少韓燒店風格。韓式烤架同爐，外圍用嚟烤芝士、泡菜蛋，同埋蒜頭。另外，店內亦設有自助小菜吧（有齊酸蘿蔔、泡菜、蔥絲、醃青瓜同生菜🥬醬料）可以隨心拎。韓國酸泡菜私心推介！連埋烤過嘅蒜頭包係菜入面，香度同惹味倍增！喜來稀肉主打牛同豬肉，今次各選咗主打菜試吓：護心肉：豬橫隔膜和肝之間的筋肉。比起其他部位更加爽滑。燒左之後非常軟腍多汁、充滿嚼勁嘅囗感。真雪花牛肉：肉質嫩滑、油脂雪花分佈得好靚。燒後油香重但入口唔會好膩。size 都頗大塊，建議剪細嚟食。除咗肉類外，店入面仲有一啲主食同湯類選擇都唔錯。海鮮牛胸肉大醬湯：材料好豐富（牛胸肉、花蟹、豆腐等）湯非常鮮甜濃郁。牛胸肉好淋唔鞋。蟹籽紫菜飯團：大碗飯上，舖滿紫菜碎、蟹籽、沙律醬等。附上膠手套，自己將配料撈勻搓成飯團🍙幾特別。