重慶劉一手火鍋店 (旺角商業大廈) (已結業)

香港地係真係一年365日都可以食火鍋，而我特別喜歡麻辣火鍋，身邊嘅朋友經常介紹呢間火鍋，話好正宗，今日朋友飯局，終於可以黎呢間分店試一試由於朋友唔係太食得辣，所以我哋選擇咗鴛鴦湯底，一邊係麻辣火鍋，一邊係胡椒豬肚雞鍋配料選擇多，而且最緊要拎佢上面一排，排列好整齊嘅拌油筷子夠長，咁就唔怕隻手放得太近個湯底食物方面，我特別推薦油炸鬼滑同牛脷酥滑，牛脷酥滑出邊比較少見，兩個都炸得非常香脆，可以就咁食，但如果浸一浸湯底，會更加惹味牛肉拼盤份量都多，唔會切到太薄，牛肉味都好香濃其他配料份量都幾多，尤其是佢個午餐肉，放落麻辣湯底，吸收左湯汁之後非常非常好味萵筍切到大小適中，份量都多食麻辣火鍋最好配一杯沙冰，我選擇左個菠蘿沙冰，減辣一流