叫咗脆皮燒腩仔$68，原來都幾多！燒腩仔唔會太肥，皮都夠脆，食好多件都得！
傳統點心都好多，蟹籽燒賣皇$28，幾足料，入邊充滿鮮蝦，豬肉少少肥有口感，燒賣又夠大粒！
黑椒蒸爽肚$26 白雪雪，幾乾淨，黑椒味剛好，肚爽口，熱辣辣！
香煎蘿蔔糕$23好大件，有3件！煎得夠香！有蘿蔔絲！
嚟到呢度無理由唔叫返個雞粥！強記雞粥（位）$40，一位已經好大碗，分到4-5小碗！粥夠綿，帶有雞油香！
懷舊點心古法千層糕$23呢度都有！一層一層奶黃，趁熱食夠軟綿綿！
最後叫返個椰汁紅豆糕$15，抵食！多紅豆又夠椰香！
