金滿海鮮坊 (已結業)

朋友介紹佢屋企附近打邊爐幾正，價錢親民又有質素，所以又有藉口唔煮飯🤪。招牌豬骨鍋：其實係胡椒豬骨湯，有大大舊豬骨熬製，豬肉仲有鮮味，唔係煲咗好耐嘅配料，湯底仲有粟米，紅蘿蔔，白蘿蔔。飲落胡椒味好出，就咁飲湯已經好正好夠味，係有少少辣但非常惹味。手切鮮肥牛： 鮮肥牛油花均勻，手切鮮牛夠厚身，滾湯浸8秒就夠，咬落有口感，唔使沾醬油已經好夠味，肉味香濃。四寶丸，雜餃：兩樣都係手工製作。四寶丸有牛丸，豬肉丸，蝦丸，墨丸，手工造唔會有勁多肥豬肉或其他，係啖啖原味。雜餸隻隻勁大粒，非常足料。黃金魚皮：熱辣辣即整，魚皮香脆夠厚，鹹蛋黃唔會好油膩，又唔會好鹹。