川燒 (已結業)

好耐無食串燒喇，前嗰排天氣凍成日都係打邊爐同埋食蒸氣鍋。 返工咁辛苦今日想放工約下朋友飲下酒食下串燒， 商量之後決定去渡船角的一間川燒食， 朋友仔之前食過覺得 都幾好所以我哋決定encore。出面鬼咁熱第一時間嗌咗杯凍柑桔飲下， 味道都幾清同埋都幾滋潤下前菜揀咗個麻辣海蜇青瓜開開胃，冰涼之中帶點中麻辣，食到最後 青瓜又會中和一點麻辣口感，實在痛快。加左清酒燒既肥美大扇貝，完全帶出左扇貝既鮮甜味，一人點了2隻食先夠喉，最後連汁一齊放哂落口，先最大滿足。 平時去打冷 啲筍殼魚 多數 炸到脆卜卜，還是頭一次 食燒筍殼魚，仲要咁大條， 原來就咁燒完切開裏面啲肉係非常鮮嫩㗎， 在點解佢哋配制嘅醬料 ， 大一點小酸味，很醒胃 。不過就有少少骨，可要小心喔~這一個是帶點香辣味道嘅燒茄子， 起曬皮就咁得返啲肉 既燒茄子都幾特別， 口感嫩滑，有點像食緊魚肉，再撈埋佢上面嘅辣肉碎先至夠滋味。最後就係食燒通菜啦， 還在好奇通菜銷員到底會係乜嘢口咁呢， 腐乳通菜就食得多啦， 估唔到原來燒嘅通菜菜葉口感都好鮮嫩， 其他位置就爽脆口感，帶點層次感。