影片
更多
2024-05-23
26 浏览
🔸 蟹肉炒飯 $128炒飯香氣撲鼻，用一個超大方盤盛起一大盆蛋炒飯，份量足三四位用，蛋花相當多，而且炒蛋內係藏住好多蟹肉，泰國師傅做得好企理，將蟹鉗拆肉，啖啖鮮蟹肉做得乾淨，沒有一粒蟹殼在飯內，最適宜愛食蟹肉又懶得拆蟹嘅朋友來大快朶頤。味道：8/10性價比：7/10🔸 鹹魚炒芥蘭 $98炒芥蘭好有鑊氣，係猛火快炒，芥蘭炒得剛熟仍保持爽脆，菜係甜甜哋，咸味主要來自幾枚鹹魚，這家泰國餐廳畀得好足靚鹹魚，切成指頭大方塊有六七枚，十分香口惹味。味道：8/10性價比：7/10🔸 椰汁雞湯 $75白雪雪一大碗，像西餐廳白湯，一口飲落就中招了，原來辛辣味道超勁，係正宗泰國冬蔭功，而且係大辣嗰隻，椰汁味就相對較微，湯內有好多片雞髀肉同各類香料如香茅、大蔥、胡椒...能夠食大辣嘅朋友應該來挑戰一下。味道：7/10性價比：7/10🔸 炸蝦餅 $75一大盆炸蝦餅，件件炸得皮脆內爽，蝦肉相當厚身，好有鮮蝦香味，係一碟大件夾抵食嘅足料炸物，好食，特別蘸上泰簡單自家制泰式酸甜酱，超级好味。味道：7/10性價比：7/10🔸 另叫凍飲黃金夢 $60鮮菠蘿汁加鮮芒果汁，没有加糖，係純鮮果味嘅冰沙。心
炒飯香氣撲鼻，用一個超大方盤盛起一大盆蛋炒飯，份量足三四位用，蛋花相當多，而且炒蛋內係藏住好多蟹肉，泰國師傅做得好企理，將蟹鉗拆肉，啖啖鮮蟹肉做得乾淨，沒有一粒蟹殼在飯內，最適宜愛食蟹肉又懶得拆蟹嘅朋友來大快朶頤。
味道：8/10
性價比：7/10
🔸 鹹魚炒芥蘭 $98
炒芥蘭好有鑊氣，係猛火快炒，芥蘭炒得剛熟仍保持爽脆，菜係甜甜哋，咸味主要來自幾枚鹹魚，這家泰國餐廳畀得好足靚鹹魚，切成指頭大方塊有六七枚，十分香口惹味。
味道：8/10
性價比：7/10
🔸 椰汁雞湯 $75
白雪雪一大碗，像西餐廳白湯，一口飲落就中招了，原來辛辣味道超勁，係正宗泰國冬蔭功，而且係大辣嗰隻，椰汁味就相對較微，湯內有好多片雞髀肉同各類香料如香茅、大蔥、胡椒...能夠食大辣嘅朋友應該來挑戰一下。
味道：7/10
性價比：7/10
🔸 炸蝦餅 $75
一大盆炸蝦餅，件件炸得皮脆內爽，蝦肉相當厚身，好有鮮蝦香味，係一碟大件夾抵食嘅足料炸物，好食，特別蘸上泰簡單自家制泰式酸甜酱，超级好味。
味道：7/10
性價比：7/10
🔸 另叫凍飲
黃金夢 $60
鮮菠蘿汁加鮮芒果汁，没有加糖，係純鮮果味嘅冰沙。
心有靈犀 $48
雜果加梳打加 珍珠芝麻加石榴汁，調教出來的顏色好靚，有頗多雜果，好飲又好食。
味道：7/10
性價比：7/10
▪️
🔹環境：位置就是以前總統戲院頂樓，應從【景隆街】入電梯，餐廳係私房菜形式，格局正宗泰式，環境好chill 優雅靜局，好適合打卡，地方雖然偌大，因熟客較多，平日也最好先訂座🤪廚師同待應都係地道泰國人，夜晚有cocktail飲。
张贴
