泰廚泰國菜館

营业中

休息中

星期六行完旺角新世紀廣埸，在通菜街嘅泰厨泰國菜館食嘢，地下無位上左二樓，冷氣都好足夠。今日海南雞半隻特價，碟頭好大，雞件肥美有雞味。又叫了豬肉和雞肉串燒，醬汁很美味，肉汁豐富，甚具水準。泰式炒金邊粉幾地道，和一般炒河唔同，呢碟係甜甜地，有D似厦門炒米，唔會太油膩，特別之處有花生伴碟，撈匀炒河更香口。滿200元又可以一元要了木瓜絲沙律，呢個又係紅红地甜甜地，同一般嘅木瓜絲沙律不同。馬拉盞炒椰菜苗炒得幾香口，唔係間間泰國菜館有得食。泰式龍眼冰幾清甜，龍眼肉都唔少，夠晒清爽。