暹羅苑

营业中

休息中

暹羅苑嘅主廚係一位泰國肥哥哥。今日點B餐，泰式明爐冬蔭湯烏頭魚拼暹羅海南雞($188)，咖哩牛腩，原個椰青焗海鮮飯，甜品黑糯米飯。因為友人靜靜的埋單請食飯，我忘記了其他價錢，但肯肯定定唔貴啊！一般食泰國菜都會點菠蘿飯，有一次見到隔離枱有個椰青飯，好得意！上枱時侍應會用極快嘅速度將個椰青蓋同啲飯餸搬上個碟度。啲餸味道OK，反而係啲飯好正，軟硬適中，而且好香椰味！記得刮埋啲椰肉出來食呀，好正！至於甜品黑糯米飯(相中半邊白糯米唔係我食嘅)，係個人喜好，啲黑糯米溝咗其他米，剛剛好食完唔怕頂住個胃，而芒果唔酸又新鮮。其他味道都好OK，咖哩牛腩亦不過不失，海南雞滑嘟嘟，烏頭魚都唔算好鞋，食完條魚仲可以飲埋啲湯。