金蘭花泰國菜館

九龍城真係好多泰國菜，
今日同朋友試一試呢間，
環境好地道，價錢都合理，
好多地道特式泰國美食選擇。


海鮮炒粉絲好大碟，
有鮮蝦，魷魚圈及青口，
味道好鮮甜，
粉絲炒得好有鑊氣，囗感煙煙韌韌。


燒牛肉簿切，鮮嫩多汁，
滿滿燒烤炭香，帶有濃郁牛味，
五成熟剛剛好，口感軟嫩，
配上秘製辣醬汁，香濃又惹味。


黃咖喱雞賣相好吸引，打卡一流，
雞肉嫰滑好入味，
用椰皇盛裝，好特別，
咖喱汁好好味，法包外酥內軟，
點一點咖哩醬汁，份外惹味。