椰子樹泰國料理

营业中

休息中

今日行經西營盤搵野食，見到呢間泰國餐廳有幾個泰國人係度傾計，連泰國人都幫襯，應該都幾正宗🤪一坐低招呼我地個個都係正宗泰國人，廣東話都半鹹半淡😝。介紹我地叫左幾樣野食，價錢又ok wor ，平均$100左右一樣。「柚子大蝦沙律$98 」唔算太辣，大蝦都算幾多，加埋一齊爽口開胃。「海南雞半隻$104 」雞肉100分正，好爽滑，連雞胸位都整得夠滑！「脆肉炒椰菜苗$92」脆肉即係燒肉再炒埋椰菜苗，加左泰國配料一齊炒特別惹味。。餐廳好多人叫外賣，堂食反而唔算太多，不過呢區黎講真係幾抵食！又高質！