龍鳳祥餃子館 (已結業)

一直喜歡食北方餃子🥟，但好難搵到一間非常地道嘅，呢間聽到個名已經覺得好想試下。個餐牌係咪好有北方農家感覺？海味山珍，好吃不過一頓餃子！幾多餡料選擇！order一份淨餃，一份煎餃，一份麵，和一份小食。京式炸醬拌麵，望到個樣已經好有食慾，非常地道，麵亦頗有嚼勁，青瓜好水嫩！番茄雞蛋水餃，第一次食，感覺好特別。呢個韭菜豬肉煎餃，非常值得推薦，好食過水餃，皮煎到卜卜脆，內裏韭菜豬肉菜多過肉，好香口，必食！口水雞，個樣好似好辣，但唔辣而香，完全唔肥，雞皮與幾肉一起食，好滑嘅！最後將辣醬都加入麵中一起食落肚！最後埋單184，三個人夠食！好飽好滿足！