嘉兵衛 (已搬遷) 新店位置

今日朋友入左元朗搵我食午餐，一場嚟到就梗系帶佢食啲元朗特色小店啦，就試左嘉兵衛，好好彩，今日星期六都居然無人排隊，不用等位就可以入座。叫左招牌咖哩吉列豬扒飯（$98）咖哩汁好多，一貫日式咖哩味，吉列豬扒保持水準，本身我都唔特別好食吉列嘢，但呢間吉列豬扒完全做到外脆得嚟又唔膩口，豬扒肉質鬆軟得嚟又唔會同吉列層炸皮分開，形成口感有脆香及肉香嘅感覺。嘉兵衛定食 （$62）烏冬好新鮮湯好清甜好味，最特別係腐皮壽司裡面啲飯唔係白飯而係加左味道及牛蒡蘿蔔絲，好特別又開胃。墨魚燒 （$48）呢個就一般啦都係墨魚燒，但個人想要多啲醬佢都會加俾我。