上岸料理 (已結業)

棉登徑向來都好多餐廳選擇，最多嘅就係日本野。有朋友介紹話呢間日本夠地道，而且食物質素高，所以決定黎試下。食物選擇都頗多， 深海池魚我食過幾次，但係呢次最特別，因為佢係好薄切， 所以薄到連個碟嘅顏色都可以見到 ，而且佢連埋醋一齊食真係好鮮甜。磯煮鮑魚都煮得幾好 ，佢嘅熟透程度控制得好好，所以令到個鮑魚口感好彈牙， 而且佢有少少甜味喺度，更加可以帶出鮑魚嘅鮮味。吉列豚肉串燒配少少沙律醬，唔點汁嚟食已經好好味，而且佢外面層麵粉炸得好脆， 而且炸得好薄身， 裏面嘅豚肉都整得好淋好好味。豚角燒都好特別， d汁同埋啲肉嘅味道好夾，如果啲肉可以瘦返少少就更加健康啦！環境我好欣賞，好似真係喺日本食緊日本野！