家賀屋刺身寿司專門店

等出發去日本期間一定要食日本野頂下癮，呢間都幾做到日本居酒屋嘅感覺。特選刺身盛有赤海蝦、三文魚、池魚、油甘魚、八爪魚同大本鮪魚腩，新鮮厚切啖啖肉。 當中最鍾意嘅當然係拖羅，幼滑甘香，赤海蝦都彈牙爽甜唔會粉，好高質。北海道魷魚條非常厚肉彈牙，每一條都好似手切牛頸脊咁片開左，燒得好均勻香口，魷魚香同鮮味都好濃郁。魚翅乾比較少見，燒得岩岩好，保留左魚翅乾彈牙嘅口感唔會太乾，煙煙韌韌夠咸香，餸酒一流。青龍完全結合晒我最鍾意嘅組合，紫菜灑滿炸蝦卷物，仲有大量蟹籽同沙律醬，冇可能唔好食。 好鍾意口感好豐富有層次，炸蝦、紫菜同蟹籽都有唔同程度嘅脆，好似食緊千層酥咁，唔會食到成口飯，反而好似一個小食咁正。