溢溢掂 香港味道 (已結業)

今日黎到中環呢邊行街，點少得食番餐好嘅，離中環站好近嘅就有呢間溢溢掂啦！大大招牌高高掛上，一眼就見到。鋪面整潔乾淨，店員好親切咁問我想食咩，又為我介紹有咩好食，有一種賓至如歸嘅感覺。咖哩魚蛋，好抵食，而且好好食，咖哩味香濃，粒粒入味，的確好唔錯！黃金魚餅同埋牛腩，中有d生菜。牛腩超級入味，而且煲得勁柔軟，完全唔會痴牙。生菜吸收左腩汁嘅精華，都變得勁好味。魚餅都係，大大厚厚一塊，好彈牙，甘甘甜甜咁。店舖嘅必食之選，我又點可以錯過呢，當然叫番碗啦！呢碗藥食花膠碗仔翅好香呀！低糖原味鮮豆漿真係好適合女仔飲用，一d都唔甜，又唔至於無味，甜味好適中，口感滑溜 。