鬆啲大排檔

营业中

休息中

好地道嘅大排檔，食物質素不錯，可惜我覺得自己揀錯咗小菜...其實我覺得香港普遍大排檔嘅水準都唔會太差，呢間同樣都係。呢度地方唔算大，不過有兩層，我坐上面，雖然每張枱爆晒人，但都唔會好逼。五個人叫咗幾樣小菜：黑松露蝦多士啫啫通菜煲金菇肥牛煲蠔餅鉢仔焗魚腸松子魚豬油撈臘味飯大部分都唔差，特別係豬油撈臘味飯，非常入味香口，個底仲有少少飯焦。不過松子魚和焗魚腸味道較為遜色。不過諗深一層，本來就唔應該响大排檔叫呢啲...我見隔離枱叫椒鹽九肚魚和燒乳鴿，賣相相當唔錯，有機會會再試下。