臺北棧 (荷李活道) (已結業)

近排疫情關係少咗出去食飯，不過因為之前去開中環交文件，於是同老婆搵間好味嘅餐廳食下。我哋好掛住台灣嘅美食，所以今次梗係揀間台灣野，去咗Chek in Taipei .呢度嘅嘢真係好好食，特別係啲小食好有地道風味同特色。環境又有好多台灣我哋嘅經典金曲。滿足到我哋嘅台灣之旅嘅慾望。今次叫咗幾款小食，秋葵，呢個秋葵係泠食，咬落去鮮甜嘅味道，一啲都唔覺得有一啲青草味，而且加上店舖自製麻醬，食落去我更加有配搭。台式肉鬆炸醬蛋餅，呢個蛋餅唔係度度都有得食到，喺香港。呢間店舖整嘅蛋餅皮都好薄，而且肉鬆都係脆脆，加上一啲嘅醬汁，係非常之好味，而且榨菜亦都唔會太過鹹。好好味。台式滷肉飯，因為我本人是無飯不歡，所以叫咗個台灣嘅特產滷肉飯，呢度嘅滷肉飯不會太肥膩，淡淡都有肉。配送飯加埋半熟滷水蛋一流。台式牛肉麵，自製嘅湯底，非常之濃郁。而且牛肉每件都好厚切，喜歡辣嘅朋友，可以加埋餐廳自製嘅辣牛油，慢慢享受。😍😍食台灣野怎樣可以冇甜品，我哋叫咗個台式芋圓珍珠甜品，粒粒都好大粒，同埋好友台式風味，配上涼粉同埋綠豆，極度有口感。