台灣郎 (已結業)

西營盤其實都有好多隱藏美食店，今次意外地穩到呢間充滿台灣寶島特色的台菜餐廳。店內裝潢令你覺得置身係台灣地道小館的感覺，特別係掛滿夜市經典菜牌，不同顏色的牌子寫滿了店內不同招牌菜式名稱，充滿夜市特色。台式魯肉飯$35當然要試下招牌台灣魯肉飯啦，份量都算大，面層鋪滿超級多滷肉，就咁望都已經感覺到好肥美，配合滷蛋一隻和少量蔬菜絲中和油膩感覺。不得不提，滷肉飯靈魂少不免滷肉汁，最好是令到白飯都能滲透滷肉汁。啊嫲米粉湯 $78呢“盆”米粉湯份量其實足夠2人食用，份量十足。除左自家制既味精湯底，絕對有家的感覺，配菜亦絕不馬虎，包括多種海鮮，例如鮮元貝，蝦，貢丸，花枝丸，豬肉，蔬菜等。米粉用上台灣新竹米粉，食得出與港式米粉不同，推薦！炸花枝丸 $28台式小吃少不免花枝丸，類似港式墨魚丸，爽口彈牙，又香脆可口。蒜香雞翼 $58呢碟蒜香雞翼真係非常用心，最抵讚窩心的係單骨雞翼，簡直懶人恩物！加上蒜香味道突出，令人食唔停口！香芋珍珠奶茶$20飲品就當然選擇珍珠奶茶啦，加入台灣人好喜歡的香芋後，感覺更香甜，奶味濃郁。珍珠煙硬，很有咬口。