阿元來了 (已搬遷) 新店位置

上星期突然心喐喐，約班朋友下午去西營盤試試呢間 阿元來了， 我大約十二點鐘到達已經大排長龍， 但係地方比較細，空間有限。不過，呢間舖頭裝潢非常台式 ，員工大部分 亦是台灣人，所以感覺非常親切，講番嘢食 選擇都算多，有蚵仔煎，焢肉飯，魯肉飯， 鹽酥雞，甜不辣，土魠魚米粉等等， 嘢食味道都幾好，只係鹽酥雞 相對冇咁入味，蚵仔煎 嘅蚵仔 比較大粒，整體比較乾身，唔似台灣比較軟淋，但味道不錯。 嘢飲方面都好多，經典台式珍珠奶茶， 柑桔檸檬，蜂蜜白玉苦瓜 等等都有，唯獨欠缺我最愛嘅蘋果西打。 所以如果你係台灣控，不妨去試下。