木玥巷 (已結業)

大大杯水果茶真係好正😍😍茶味好香，我揀左西柚配熱情果味，係我好愛既味道呀好掛住台灣既野食呀！今次要食個台式炸物拼盤！裡面有台灣最地道嘅鹽酥雞、甜不辣同埋四季豆，新鮮熱辣又脆卜卜，鹽酥雞好嫩又多汁！滷肉飯食得多，用安格斯牛肉整嘅滷肉飯真係第一次食，牛肉味好香，一樣地入口即溶，上面加埋太陽蛋，篤穿咗之後個蛋汁撈埋一齊食味道更佳！最後食埋個鳳梨蝦球，蝦球好大隻，係原隻蝦仁，炸香左之後再加上沙律醬，炸粉唔厚，好開胃！住喺元朗嘅朋友不妨試吓！